ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިޚާބުގެ އިތުރުން ރެފަރަންޑަމް އިންތިޚާބުގެ ކަވަރޭޖަށް މަރުޚަބާ.
date_range
އާދިއްތަ 05 އެޕްރިލް 2026
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިޚާބުގެ އިތުރުން ރެފަރަންޑަމް އިންތިޚާބުގެ ކަވަރޭޖަށް މަރުޚަބާ.
ވޯޓު ގުނުން ކުރިއަށް ދަނީ -- ސަން ފޮޓޯ
ވޯޓު ގުނުން ކުރިއަށް ދަނީ -- ސަން ފޮޓޯ
މިހާތަނަށް ލިބުނު ނަތީޖާއިން މޭޔަރުންގެ ތެރެއިން ސަރުކާރަށް ކުރި ލިބެނީ ތިނަދޫ ސިޓީގެ މޭޔަރު ގޮނޑިން އެކަނި.
މިހާތަނަށް ލިބުނު ނަތީޖާތައް ދައްކާގޮތުން ފަސް ސިޓީގެ ތެރެއިން ހަތަރު ސިޓީގެ މޭޔަރުގެ އިންތިޚާބުގައި ކުރީގައި އުޅެނީ އިދިކޮޅު އެމްޑީޕީން.
https://boduninmun-2026.sun.mv
އިލެކްޝަންސް ކޮމިޝަންގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު 'ސަން'އަށް ވިދާޅުވީ ހަތް ފޮށްޓެއްގެ ވޯޓުލުން އަދިވެސް ކުރިއަށްދާ ކަމަށް. އެގޮތުން 588 ފޮށީގެ ތެރެއިން މިހާތަނަށް 581 ފޮށި ބަންދުކޮށްފައިވާ ކަމަށް އޭނާ ވިދާޅުވި.
އިލެކްޝަންސް ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު 'ސަން'އަށް ވިދާޅުވީ، 588 ފޮށީގެ ތެރެއިން 525 ފޮށި ބަންދުކޮށް، ގުނަން ފަށައިފައިވާ ކަމަށް.
މިއަދު މުޅި ރާއްޖޭގައި އޮތް ބޮޑު އިންތިޚާބާ ގުޅިގެން މާދަމާ އާއި ހޯމަ ދުވަސް ވެސް ސަރުކާރު ބަންދު ދުވަހެއްގެ ގޮތުގައި ރައީސް އޮފީހުން ހަމަޖައްސައިފި.
ވޯޓް ގުނަން ފަށައިފި. ފުރަތަމަ ގުނާނީ ލޯކަލް ކައުންސިލްތަކުގެ ވޯޓް. އެއަށް ފަހު އަންހެނުންގެ ކޮމެޓީ. އޭގެ ފަހުން ރެފަރަންރަންޑަމް ވޯޓް.
17:00 ޖެހިއިރު ވޯޓްލުމަށް ކިޔޫގައި މީހަކު ނެތް ފޮށިތައް މިހާރު ވަނީ ބަންދު ކޮށްފައި. ވޯޓް ގުނަން ފަށާނީ އެ ވޯޓް ފޮއްޓެއް ބަންދު ކުރާތާ 30 މިނެޓް ފަހުން. މި ފަހަރު ތިން އިންތިޚާބެއް އެކުގައި ކުރިއަށް ދިއުމުގެ ސަބަބުން ނަތީޖާ ލިބުމުގައި ލަސްތަކެއް އުޅެފާނެ ކަމަށް އިލެކްޝަންސް ކޮމިޝަނުން ވެސް ބުނޭ.
އިލެކްޝަންސް ކޮމިޝަންގެ މެންބަރު ހަސަން ޒަކަރިއްޔާ ދެންމެ "ސަން" އަށް ވިދާޅުވީ ވޯޓްލާ ގަޑި އިތުރު ކުރުމުގެ ވިސްނުން އަދި ނެތް ކަމަށް. މިހާރު އޮތްގޮތަށް 16:00 ޖަހާއިރު ވޯޓްލާން ކިޔޫއަށް އެރުން ބަންދު ވާނެ ކަމަށް ވިދާޅުވި.
ވޯޓްލުން ބަންދު ކުރަން ކައިރިވާވަރަކަށް ވޯޓްލާ މީހުންގެ އަދަދު އިތުރުވާން ފަށައިފި.
މިއަދު 14:00 އާ ހަމައަށް ވަނީ 44 ޕަސެންޓް މީހުން ވޯޓްލައިފައި. އެއީ 131947 މީހުން.
ވޯޓްލުން ބަންދު ކުރަން ކައިރިވާވަރަކަށް ވޯޓްލާ މީހުންގެ އަދަދު އިތުރުވާން ފަށައިފި.
މިއަދު 14:00 އާ ހަމައަށް ވަނީ 44 ޕަސެންޓް މީހުން ވޯޓްލައިފައި. އެއީ 131947 މީހުން.
އިލެކްޝަންސްގެ މެންބަރު ހަސަން ޒަކަރިއްޔާ "ސަން" އަށް ވިދާޅުވީ ބައެއް ޝަކުވާތައް ލިބެމުން ދިޔަ ނަމަވެސް ވޯޓްލުން ހުއްޓާލަން ޖެހޭ ފަދަ ހާލަތެއް އެއްވެސް މަރުކަޒެއްގައި ދިމާ ނުވާ ކަމަށް.
ގިނަ ވޯޓް ފޮށިތަކެއް ބަހައްޓާފައި ހުރި ހެންވޭރު ދަނޑުގެ ޓެންޓްގެ އެތެރެ ވަރަށް ހިރަފުސް ވެފައި. އެތަނަށް ފެން ޖެހުމުގެ މަސައްކަތް މިހާރު ވަނީ ފަށައިފައި. ވޯޓްލާން ގިނަ ބަޔަކު އެއްވެ އެ ތަން އޮތީ ތޮއްޖެހިފައި.
ހެންވޭރު ދަނޑުފަދަ ގިނަ ވޯޓް ފޮށި ބަހައްޓާފައިވާ ސަރަހައްދުތަކުގައި ވަރަށް ޓްރެފިކް ބާރު ބޮޑު. ގަދަ ހޫނުގައި އެތައް ބަޔަކު މަގުގައި ތާށިވެގެން ތިބެން ޖެހޭ.
ރާއްޖެއަކީ ޑިމޮކްރެޓިކް ގައުމެއް. ކޮންމެ މީހަކަށް ވެސް ގާނޫނުގެ ތެރެއިން އަމަލުކުރެވޭނެ. މިނިވަންކަމާއެކު ވޯޓު ލާން ރައްޔިތުންގެ ކިބައިން އަޅުގަނޑު އެދެން،
ރައީސުލްޖުމްޙޫރިއްޔާގެ ނައިބު، އަލްއުސްތާޛު ހުސައިން މުޙައްމަދު ލަތީފް ވެސް މިއަދުގެ އިންތިޚާބުގައި ވޯޓު ލައްވައިފި.
ވޯޓްގެ ސިއްރުކަން ގެއްލިދާނެތީ ޓްރާންސްޕޭރެންސީ މޯލްޑިވްސްއިން ވަނީ ކަންބޮޑުވުން ފާޅުކޮށްފައި.
ޓްރާންސްޕޭރެންސީން ބުނި ގޮތުގައި އޮބްޒާވްކުރި 26 މަރުކަޒުގެ ތެރެއިން 23 މަރުކަޒެއްގައި ވޯޓުގެ ސިއްރުކަން ކަށަވަރުވާގޮތަށް އިންތިޒާމުތައް ވަނީ ހަމަޖެހިފައި. ނަމަވެސް، ޖާގައިގެ ދަތިކަމާހުރެ ނުވަތަ މަރުކަޒު އަތުރާލެވިފައިވާ ގޮތުން ވޯޓުގެ ސިއްރުކަން ގެއްލިދާނެކަމަށް ބެލެވޭ މަރުކަޒުތައް އެ ޖަމްޢިއްޔާއިން ވަރަށް ގާތުން މޮނިޓާކުރަމުންދާ ކަމަށް ވަނީ ބުނެފައި.
ކުރީގެ ރައީސް މުޙައްމަދު ނަޝީދު ވިދާޅުވީ އަމާންކަމާއެކީ ވޯޓުލާ މަންޒަރު ފެންނާތީ, ވަރަށް ހިތްހަމަޖެހިވަޑައިގަންނަވާ ކަމަށް. އަދި ހުރިހާ ރައްޔިތުން ވެސް ހައްގު އަދާކުރެއްވުމަށް އިލްތިމާސް ކުރެއްވެވި.
އިންސާފުވެރިކަމާ ސުލްހަވެރިކަމާއެކު ކެމްޕެއިން ހިންގިއްޖެ. އެގޮތަށް ޑިމޮކްރަސީ ހިނގާތަން ފެންނާތީ އުފާވޭ.
ވޯޓް ލެއްވުމަށް ފަހު ކުރީގެ ރައީސް އިބްރާހީމް މުޙައްމަދު ޞާލިހް ވަނީ ސަރުކާރަށް ފާޑުވިދާޅުވެފައި. އަދި ރައްޔިތުން ވޯޓް ލާއިރު ވަރަށް ވިސްނާނެ ކަމަށް އުއްމީދު ކުރައްވާ ކަމަށް ވިދާޅުވި.
ކުރީގެ ރައީސް އަބްދުالله ޔާމީން ވޯޓްލެއްވުމަށް ފަހު ވިދާޅުވީ ރެފަރަންޑަމް ވޯޓަށް ރައްޔިތުން ހޭލުންތެރި ކުރުވުމަށް އިލެކްޝަންސް ކޮމިޝަން (އީސީ) އިން އެކަށީގެންވާ މަސައްކަތެއް ކޮށްފައި ނުވާ ކަމަށް. އަދި ހަމައެހެންމެ ވޯޓް ކަރުދާސް ޑިޒައިން ކޮށްފައި ވަނީ އާއްމުންނަށް ފަސޭހަ ގޮތަކަށް ނޫން ކަމަށް ވެސް ޔާމީން ވިދާޅުވި.
އަޅުގަނޑުމެން އެންމެން އިލްތިމާސް މި ކުރަނީ ވީހާވެސް ގިނަ ބަޔަކު ވޯޓް ލެވޭގޮތް ހަދައި ދޭށޭ. އެކަމަކު އިލެކްޝަންސް ކޮމިޝަނުން ވަރަށް ޣައިރު ޒިންމާދާރުކޮށް އެކަން ކޮށްފައި ވަނީ
މާލޭގެ މޭޔަރު ކަމަށް ވާދަކުރައްވާ އެމްޑީޕީގެ ކެންޑިޑޭޓް އާދަމް އާޒިމާއި ޕީއެންސީގެ ކެންޑިޑޭޓް މޫސާ އަލީ ޖަލީލް, ވޯޓްލައްވައިފި.
އިލެކްޝަންސް ކޮމިޝަން (އީސީ)ގެ ނައިބު ރައީސް, އަބްދުއްރަހްމާން ސަލާހު ރަޝީދު ވިދާޅުވީ އިންތިޚާބާ ގުޅިގެން މިހާތަނަށް އެ ކޮމިޝަނަށް 10 ޝަކުވާ ހުށަހަޅާފައިވާ ކަމަށް. އޭގެ ތެރޭގައި ހިމެނެނީ މަނާ ގަޑީގައި ކެމްޕެއިން ކުރުމާއި ތިން ވޯޓެއް ކުރިއަށް ދާއިރު އެ ވޯޓް ކަރުދާހެއް ލާން ޖެހޭ ފޮށި ނޫން އެހެން ފޮއްޓަކަށް ލެވިއްޖެ ނަމަ ބާތިލު ވާނެތޯ އެހުން ފަދަ ކަންކަން ކަމަށް އޭނާ ވިދާޅުވި.
ރައީސް ޑރ. މުޙައްމަދު މުއިއްޒު ވަނީ މިއަދު ހެނދުނު 08:50 ހާއިރު ތާޖުއްދީން ސްކޫލަށް ވަޑައިގެން, ވޯޓު ލައްވާފައި.
އެއަށް ފަހު ނޫސްވެރިންނާ ވާހަކަ ދައްކަވަމުން ރައީސް ވިދާޅުވީ, ވީހާވެސް ގިނަ ރައްޔިތުން ވޯޓުލާން ގޮސް، ހައްގު އަދާކުރުމަށް އެދިވަޑައިގަންނަވާ ކަމަށް.
މިއަދު ތިން ވޯޓެއް ބާއްވާއިރު، އޭގެ ތެރެއިން ވޯޓެއްގައި ބައިވެރިވާން ބޭނުންނޫން ކަމަށް ވޯޓުލާން ދާ މީހަކު ބުނެފި ނަމަ، އެ ވޯޓެއްގެ ކަރުދާސް އެ މީހަކަށް ނުދޭން އިލެކްޝަންސް ކޮމިޝަނުން ނިންމާފައިވާއިރު އެއީ ކަންބޮޑުވާ ކަމެއް ކަމަށް, އިދިކޮޅު އެމްޑީޕީން މިއަދު ބުނެފި.
"މިއަދު ނަގާ ތިން ވޯޓުގެ ކަރުދާސް ކޮންމެ މީހަކަށް ދޫނުކުރުމަކީ މި ޕާޓީން ކަންބޮޑުވާ ކަމެއް. މިއީ، ވޯޓުގެ ސިއްރުކަން ގެއްލުވައިލުމަށް ކުރާ ކަމެއް." އެމްޑީޕީ
އެމްޑީޕީން ތުހުމަތު ކުރާގޮތުގައި މި ކަމަކީ، ސަރުކާރު މުވައްޒަފުންނަށް ބިރު ދައްކައި، އެ މީހުންގެ ވޯޓުލުމުގެ ހައްޤަށް ހުރަސްއެޅުމަށް ސަރުކާރުން ބޭނުންވެގެން އިލެކްޝަންސްއިން ކޮށްދޭ ކަމެއް. އެކަން އެގޮތަށް ނުކުރަން އެމްޑީޕީން ވަނީ އީސީއަށް ގޮވާލައިފައި.
އިންތިޚާބުގެ ސަލާމަތީ ކަންކަން ބެލުމަށް ފުލުހުން ވަނީ މުޅި ރާއްޖޭގައި ޚާއްސަ އޮޕަރޭޝަނެއް ފަށައިފައި.
ރާއްޖޭގެ ހުރިހާ ސަރަހައްދެއްގައި ވެސް ވޯޓުލުމުގެ ކަންކަން ކުރިއަށް ދަނީ ވަރަށް އަމާންކޮށް
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިޚާބުގެ އިތުރުން ރެފަރަންޑަމް އިންތިޚާބުގެ ކަވަރޭޖަށް މަރުޚަބާ.
