ނިއު ޔޯކު ސިޓީގެ ލަގާޑިއާ އެއާޕޯޓަށް ޖައްސަން ދިޔަ އެއާ ކެންޑާ ބޯޓެއް، އަލިފާން ނިއްވާ އުޅަނދެއްގައި ޖެހި ހިނގި އެކްސިޑެންޓުގައި ބޯޓުގައި ތިބި ދެ ޕައިލެޓުން މަރުވެއްޖެއެވެ.
އެ ހާދިސާގައި ޒަޚަމްވި 41 މީހުން ހޮސްޕިޓަލަށް ގެންގޮސްފައިވާ ކަމަށް ޕޯޓް އޮތޯރިޓީގެ ވެރިޔާ ކެތުރިން ގާސިއާ ވިދާޅުވިއެވެ. އޭގެ ތެރެއިން 32 މީހަކު ފަހުން ދޫކޮށްލި ނަމަވެސް ބާކީތިބި މީހުންނަށް ބޮޑެތި އަނިޔާތަކެއް ލިބިފައިވެއެވެ.
ހާދިސާ ހިނގި ވަގުތު ބޯޓުގައި 72 ފަސިންޖަރުންނާއި ހަތަރު ކްރޫ މެންބަރުން ތިއްބެވެ.
ފްލައިޓް ޓްރެކިން ވެބްސައިޓް "ފްލައިޓްރާޑާ 24" އިން ބުނި ގޮތުގައި ސީއާރްޖޭ-900 މަރުކާގެ އެ މަތިންދާ ބޯޓު އެ ވެހިކަލްގައި ޖެހިފައި ވަނީ 24 މޭލު (ގަޑިއަކު 39 ކިލޯމީޓަރު) ގެ ބާރު މިނުގައެވެ.
މަންޒަރު ދުށް މީހަކު ބުނި ގޮތުގައި އެމީހުން ތިބީ ހާދިސާ ހިނގިތަނާ ގާތްގަޑަކަށް 100 މީޓަރު ދުރުގައެވެ. އަދި އެ ވަގުތު ހީވީ ބޯޓު ދެ ފަޅިވެގެން ދިޔަހެން ކަމަށް އެމީހުން ސިފަކޮށްދިނެވެ.
އެއީ ވަރަށް ހިތާމަވެރި އެކްސިޑެންޓެއް ކަމަށާއި ނޭޝަނަލް ޓްރާންސްޕޯޓޭޝަން ސޭފްޓީ ބޯޑުން ހާދިސާ ތަހުގީގު ކުރަމުންދާ ކަމަށް ނިއު ޔޯކް ސިޓީގެ މޭޔަރު ޒޮހްރާން މަމްދާނީ ވިދާޅުވިއެވެ.
ހާދިސާއާ ގުޅިގެން އެއާޕޯޓު ބަންދުކުރުމަށްފަހު މިހާރު ވަނީ އަލުން ހުޅުވާފައެވެ.